گزشتہ دنوں مالاکنڈ یونیورسٹی کی طالبات نے کانجو کینٹ سوات میں پاک فوج کے ساتھ ایک دن گزارا۔ اس موقع پر طالبات نے پاک فوج کی بارڈر سکیورٹی پوسٹ کا بھی دورہ کیا۔ طالبات نے تربیتی مشقوں کا مشاہدہ کیا۔
اس موقع پر فرنٹیئر کور نارتھ کے بینڈ نے ملی نغموں پر مشتمل دھنیں پیش کیں جبکہ محسود، بیٹنی، چترالی اور خٹک رقص بھی پیش کیا گیا۔ پاک فوج کی جانب سے دفاعی سازوسامان اور علاقائی اشیا پر مشتمل سٹالز بھی لگائے گئے جسے طالبات نے بہت سراہا۔
دورے کے دوران طالبات اور فرنٹیئر کور نارتھ کی ٹیموں کے درمیان کرکٹ، بیڈ منٹن اور ٹگ آف وار کے مقابلے بھی منعقد ہوئے۔
تقریب کے مہمان خصوصی کمانڈر پشاور کورلیفٹیننٹ جنرل عمر احمد بخاری نے طالبات میں انعامات تقسیم کیے۔
طالبات نے اس اہم دن کے انعقاد پر پاک فوج اور فرنٹیئر کور نارتھ کا شکریہ ادا کرتے ہوئے کہا کہ یہ دن ان کے لیے ناقابل فراموش ہے اور انہیں ہمیشہ یاد رہے گا۔
تبصرے