گزشتہ دنوں چیئرمین جوائنٹ چیفس آف اسٹاف کمیٹی جنرل ساحر شمشاد مرزا نے جمہوریہ عراق کا سرکاری دورہ کیا۔ انہوں نے عراقی وزیراعظم محمد شیعہ السوڈانی، وزیرِ دفاع  ثابت محمد سعید العباسی، وزیراعلیٰ عبدالدمیر الشمیری، وزیر داخلہ اور جنرل عبدالدمیر رشید ہار اللہ اورچیف آف ڈیفنس فورسز سے بھی ملاقات کی۔

فریقین نے سلامتی، دفاعی تعاون اور موجودہ علاقائی ماحول سمیت دلچسپی کے اہم شعبوں پر تبادلہ خیال کیا۔ معززین نے دونوں ممالک کے درمیان فوجی تعاون کے دائرہ کار کو وسعت دینے اور دفاعی تعلقات کو مضبوط بنانے کے عزم کا اعادہ کیا۔عراقی سول اور عسکری قیادت نے پاکستان کی مسلح افواج کی پیشہ ورانہ مہارت کو سراہا اور دہشت گردی کے خلاف جنگ میں ان کی قربانیوں کا اعتراف کیا۔
قبل ازیں عراق کی مسلح افواج کے ہیڈ کوارٹر پہنچنے پر چاق  چوبند فوجی دستے نے چیئرمین جوائنٹ چیفس آف اسٹاف کمیٹی کو گارڈ آف آنر پیش کیا۔