گزشتہ دنوں انٹرنیشنل ایسوسی ایشن آف پیس کیپنگ ٹریننگ سینٹر (IAPTC) کی 28ویں سالانہ کانفرنس پاکستان میں پہلی بار سنٹر فار انٹرنیشنل پیس اینڈ سٹیبلیٹی (CIPS)،نسٹ، اسلام آباد میں منعقد ہوئی۔
چیف آف آرمی سٹاف  جنرل سید عاصم منیرنے CIPSکی نئی عمارت کا افتتاح کیا۔

انڈر سیکرٹری جنرل، ڈیپارٹمنٹ آف پیس آپریشنز، جین پیئر لاکروکس، اقوام متحدہ کے پولیس مشیر، قائم مقام ڈپٹی ملٹری ایڈوائزر، فارنسیکرٹری  آف پاکستان اور ریکٹر نسٹ، بھی کانفرنس کی افتتاحی تقریب میں شریک تھے۔
اپنے خطاب میں چیف آف آرمی سٹاف نے اس بات پر زور دیا کہ آج عالمی امن کو ابھرتے ہوئے خطرات اور چیلنجوں کا سامنا ہے۔ اقوام متحدہ اور دیگر تنظیموں کی جانب سے امن قائم کرنے کی متعدد کوششوں کے باوجود معصوم کشمیریوں اور فلسطینیوں کی حالت زار ایک واضح یاد دہانی کا کام کرتی ہے کہ ابھی بہت کچھ کرنے کی ضرورت ہے۔ مہمانِ اعزاز جناب جین پیئر لاکروکس نے اقوام متحدہ کے امن مشن میں پاکستان کے تعاون کا اعتراف کیا اور 28ویں IAPTC سالانہ کانفرنس کی میزبانی پر پاکستان کی تعریف کی۔قبل ازیں چیف آف آرمی سٹاف جنرل سید عاصم منیر کی آمد پر ان کا استقبال  انسپکٹر جنرل ٹریننگ اینڈ ایویلیوایشن لیفٹیننٹ جنرل فیاض حسین شاہ نے کیا۔