آرمی چیف کی کوئٹہ ریلوے اسٹیشن پر خودکش دھماکے  کے شہدا کی نماز جنازہ میں شرکت اور سی ایم ایچ کوئٹہ کا دورہ 
گزشتہ دنوں کوئٹہ ریلوے اسٹیشن پرہونے والے  خودکش دھماکے میں شہید ہونے والے افرادکی نماز جنازہ کوئٹہ گیریژن میں ادا کی گئی۔نماز جنازہ میں آرمی چیف جنرل سید عاصم منیر وفاقی وزیر داخلہ، گورنر اور وزیر اعلیٰ بلوچستان، صوبائی وزرا اور عسکری و سویلین حکام کی بڑی تعداد نے شرکت کی۔تدفین کے بعد آرمی چیف نے   سی ایم ایچ کوئٹہ کا دورہ کیا اور المناک سانحیکے زخمیوں سے ملاقات کی۔

 آرمی چیف نے روشنی ڈالی کہ دہشت گردی کو کبھی برداشت نہیں کیا جائے گا اور اس لعنت کے خاتمے کے لیے ہر ممکن کوشش کی جائے گی۔ انہوں نے زور دیتے ہوئے کہا کہ اس مشن کو پورے قومی اور اجتماعی عزم کے ساتھ آگے بڑھایا جائے گاجبکہ دہشت گردی کے خلاف جنگ کے لیے فوجی اور سول اداروں کی کوششوں کے ساتھ ساتھ تمام پاکستانیوں کی مستقل حمایت کی ضرورت ہے۔
قبل ازیں آرمی چیف کی آمد پر کمانڈر بلوچستان کور نے ان کا استقبال کیا۔