گزشتہ دنوں بلوچستان کے ضلع ہرنائی میں مادر وطن کا دفاع کرتے ہوئے جام شہادت نوش کرنے والے میجر محمد حسیب شہید کی نماز جنازہ چکلالہ گیریژن راولپنڈی میں ادا کی گئی۔ نماز جنازہ میں آرمی چیف جنرل سید عاصم منیر، وفاقی وزیراحسن اقبال سمیت اعلی فوجی اور سول حکام، افسران، جوانوں اور شہید کے اہل خانہ نے شرکت کی۔

آرمی چیف نے کہا کہ بہادر افسران اور جوانوں کی قربانیاں دہشت گردی کی لعنت کے خلاف ملک کے دفاع کے لیے غیر متزلزل لگن کی مثال ہیں۔انہوں نے روشنی ڈالی کہ قوم فتنہ الخوارج اور ان کی باگ ڈور سنبھالنے والوں کے خلاف جنگ میں مسلح افواج اور قانون نافذ کرنے والے اداروں کے ساتھ کھڑی ہے۔