کئی عظیم لوگ دنیا میں آئے
وقت نے جن کے تھے گیت گائے

دن رات محنت وہ کرتے رہے
حق کی خاطر وہ لڑتے رہے

ترقی کے لیے ہے یہ شرط لازم
بتا گئے ہمیں پیارے قائد اعظمؒ

چاہتے ہو اگردنیا میں آگے بڑھنا
اپنا سبق تم محنت سے پڑھنا

محنت سب سے بڑا جادو
محنت سے ہے ہواؤں پہ قابو

یاد رکھو بچو قائدؒ کا پیغام
کام کام اور بس دن رات کام

لگن سے قائدؒ نے سب کر دکھایا
دشمن سے لڑ کر وطن ہے بنایا

 سب نے مل کر سنبھالنا ہے اسے
ہر مصیبت سے نکالنا ہے اسے