تُو نے پاکستان بنایا 
علم وہنر سے اِسے سجایا
آزادی کا نغمہ گایا
  تونےبدلےصبح و شام
قائداعظمؒ تجھ کو سلام 
عزت دی ہے ، عظمت دی ہے 
آزادی کی نعمت دی ہے
تُو نے ہم کو رفعت دی ہے  
عزت والا ہے نام تیرا 
قائداعظمؒ تجھ کو سلام
پیارے پاکستان کے بانی
تیری شہرت ہے لافانی
قوم کی خاطر دی قربانی 
روشن روشن تیرے کام
قائداعظمؒ تجھ کو سلام
آزادی سے ہم زندہ ہیں
سب کے چہرے تابندہ ہیں 
دل میں جذبے رخشندہ ہیں
تُو نے دیا ایسا انعام 
قائداعظمؒ تجھ کو سلام