اردو(Urdu) English(English) عربي(Arabic) پښتو(Pashto) سنڌي(Sindhi) বাংলা(Bengali) Türkçe(Turkish) Русский(Russian) हिन्दी(Hindi) 中国人(Chinese) Deutsch(German)
2024 03:29
مقبوضہ کشمیر کی خصوصی حیثیت کا خاتمہ بھارت کی سپریم کورٹ کا غیر منصفانہ فیصلہ خالصتان تحریک! دہشت گرد بھارت کے خاتمے کا آغاز سلام شہداء دفاع پاکستان اور کشمیری عوام نیا سال،نئی امیدیں، نیا عزم عزم پاکستان پانی کا تحفظ اور انتظام۔۔۔ مستقبل کے آبی وسائل اک حسیں خواب کثرت آبادی ایک معاشرتی مسئلہ عسکری ترانہ ہاں !ہم گواہی دیتے ہیں بیدار ہو اے مسلم وہ جو وفا کا حق نبھا گیا ہوئے جو وطن پہ نثار گلگت بلتستان اور سیاحت قائد اعظم اور نوجوان نوجوان : اقبال کے شاہین فریاد فلسطین افکارِ اقبال میں آج کی نوجوان نسل کے لیے پیغام بحالی ٔ معیشت اور نوجوان مجھے آنچل بدلنا تھا پاکستان نیوی کا سنہرا باب-آپریشن دوارکا(1965) وردی ہفتۂ مسلح افواج۔ جنوری1977 نگران وزیر اعظم کی ڈیرہ اسماعیل خان سی ایم ایچ میں بم دھماکے کے زخمی فوجیوں کی عیادت چیئر مین جوائنٹ چیفس آف سٹاف کمیٹی کا دورۂ اُردن جنرل ساحر شمشاد کو میڈل آرڈر آف دی سٹار آف اردن سے نواز دیا گیا کھاریاں گیریژن میں تقریبِ تقسیمِ انعامات ساتویں چیف آف دی نیول سٹاف اوپن شوٹنگ چیمپئن شپ کا انعقاد یَومِ یکجہتی ٔکشمیر بھارتی انتخابات اور مسلم ووٹر پاکستان پر موسمیاتی تبدیلیوں کے اثرات پاکستان سے غیرقانونی مہاجرین کی واپسی کا فیصلہ اور اس کا پس منظر پاکستان کی ترقی کا سفر اور افواجِ پاکستان جدوجہدِآزادیٔ فلسطین گنگا چوٹی  شمالی علاقہ جات میں سیاحت کے مواقع اور مقامات  عالمی دہشت گردی اور ٹارگٹ کلنگ پاکستانی شہریوں کے قتل میں براہ راست ملوث بھارتی نیٹ ورک بے نقاب عز م و ہمت کی لا زوال داستا ن قائد اعظم  اور کشمیر  کائنات ۔۔۔۔ کشمیری تہذیب کا قتل ماں مقبوضہ جموں و کشمیر کی خصوصی حیثیت کا خاتمہ اور بھارتی سپریم کورٹ کی توثیق  مقبوضہ کشمیر کی خصوصی حیثیت کا خاتمہ۔۔ایک وحشیانہ اقدام ثقافت ہماری پہچان (لوک ورثہ) ہوئے جو وطن پہ قرباں وطن میرا پہلا اور آخری عشق ہے آرمی میڈیکل کالج راولپنڈی میں کانووکیشن کا انعقاد  اسسٹنٹ وزیر دفاع سعودی عرب کی چیئرمین جوائنٹ چیفس آف سٹاف کمیٹی سے ملاقات  پُرعزم پاکستان سوشل میڈیا اور پرو پیگنڈا وار فئیر عسکری سفارت کاری کی اہمیت پاک صاف پاکستان ہمارا ماحول اور معیشت کی کنجی زراعت: فوری توجہ طلب شعبہ صاف پانی کا بحران،عوامی آگہی اور حکومتی اقدامات الیکٹرانک کچرا۔۔۔ ایک بڑھتا خطرہ  بڑھتی آبادی کے چیلنجز ریاست پاکستان کا تصور ، قائد اور اقبال کے افکار کی روشنی میں قیام پاکستان سے استحکام ِ پاکستان تک قومی یکجہتی ۔ مضبوط پاکستان کی ضمانت نوجوان پاکستان کامستقبل  تحریکِ پاکستان کے سرکردہ رہنما مولانا ظفر علی خان کی خدمات  شہادت ہے مطلوب و مقصودِ مومن ہو بہتی جن کے لہو میں وفا عزم و ہمت کا استعارہ جس دھج سے کوئی مقتل میں گیا ہے جذبہ جنوں تو ہمت نہ ہار کرگئے جو نام روشن قوم کا رمضان کے شام و سحر کی نورانیت اللہ جلَّ جَلالَہُ والد کا مقام  امریکہ میں پاکستا نی کیڈٹس کی ستائش1949 نگران وزیراعظم پاکستان، وزیراعظم آزاد جموں و کشمیر اور  چیف آف آرمی سٹاف کا دورۂ مظفرآباد چین کے نائب وزیر خارجہ کی چیئرمین جوائنٹ چیفس آف سٹاف کمیٹی سے ملاقات  ساتویں پاکستان آرمی ٹیم سپرٹ مشق 2024کی کھاریاں گیریژن میں شاندار اختتامی تقریب  پاک بحریہ کی میری ٹائم ایکسرسائز سی اسپارک 2024 ترک مسلح افواج کے جنرل سٹاف کے ڈپٹی چیف کا ایئر ہیڈ کوارٹرز اسلام آباد کا دورہ اوکاڑہ گیریژن میں ''اقبالیات'' پر لیکچر کا انعقاد صوبہ بلوچستان کے دور دراز علاقوں میں مقامی آبادی کے لئے فری میڈیکل کیمپس کا انعقاد  بلوچستان کے ضلع خاران میں معذور اور خصوصی بچوں کے لیے سپیشل چلڈرن سکول کاقیام سی ایم ایچ پشاور میں ڈیجٹلائیز سمارٹ سسٹم کا آغاز شمالی وزیرستان ، میران شاہ میں یوتھ کنونشن 2024 کا انعقاد کما نڈر پشاور کورکا ضلع شمالی و زیر ستان کا دورہ دو روزہ ایلم ونٹر فیسٹول اختتام پذیر بارودی سرنگوں سے متاثرین کے اعزاز میں تقریب کا انعقاد کمانڈر کراچی کور کاپنوں عاقل ڈویژنل ہیڈ کوارٹرز کا دورہ کوٹری فیلڈ فائرنگ رینج میں پری انڈکشن فزیکل ٹریننگ مقابلوں اور مشقوں کا انعقاد  چھور چھائونی میں کراچی کور انٹرڈویژ نل ایتھلیٹک چیمپئن شپ 2024  قائد ریزیڈنسی زیارت میں پروقار تقریب کا انعقاد   روڈ سیفٹی آگہی ہفتہ اورروڈ سیفٹی ورکشاپ  پی این فری میڈیکل کیمپس پاک فوج اور رائل سعودی لینڈ فورسز کی مظفر گڑھ فیلڈ فائرنگ رینجز میں مشترکہ فوجی مشقیں طلباء و طالبات کا ایک دن فوج کے ساتھ روشن مستقبل کا سفر سی پیک اور پاکستانی معیشت کشمیر کا پاکستان سے ابدی رشتہ ہے میر علی شمالی وزیرستان میں جام شہادت نوش کرنے والے وزیر اعظم شہباز شریف کا کابینہ کے اہم ارکان کے ہمراہ جنرل ہیڈ کوارٹرز  راولپنڈی کا دورہ  چیئرمین جوائنٹ چیفس آف سٹاف کمیٹی کی  ایس سی او ممبر ممالک کے سیمینار کے افتتاحی اجلاس میں شرکت  بحرین نیشنل گارڈ کے کمانڈر ایچ آر ایچ کی جوائنٹ سٹاف ہیڈ کوارٹرز راولپنڈی میں چیئرمین جوائنٹ چیفس آف اسٹاف کمیٹی سے ملاقات  سعودی عرب کے وزیر دفاع کی یوم پاکستان میں شرکت اور آرمی چیف سے ملاقات  چیف آف آرمی سٹاف کا ہیوی انڈسٹریز ٹیکسلا کا دورہ  آرمی چیف کا بلوچستان کے ضلع آواران کا دورہ  پاک فوج کی جانب سے خیبر، سوات، کما نڈر پشاور کورکا بنوں(جا نی خیل)اور ضلع شمالی وزیرستان کادورہ ڈاکیارڈ میں جدید پورٹل کرین کا افتتاح سائبر مشق کا انعقاد اٹلی کے وفد کا دورہ ٔ  ائیر ہیڈ کوارٹرز اسلام آباد  ملٹری کالج سوئی بلوچستان میں بلوچ کلچر ڈے کا انعقاد جشن بہاراں اوکاڑہ گیریژن-    2024 غازی یونیورسٹی ڈیرہ غازی خان کے طلباء اور فیکلٹی کا ملتان گیریژن کا دورہ پاک فوج کی جانب سے مظفر گڑھ میں فری میڈیکل کیمپ کا انعقاد پہلی یوم پاکستان پریڈ انتشار سے استحکام تک کا سفر خون شہداء مقدم ہے انتہا پسندی اور دہشت گردی کا ریاستی چیلنج بے لگام سوشل میڈیا اور ڈس انفارمیشن  سوشل میڈیا۔ قومی و ملکی ترقی میں مثبت کردار ادا کر سکتا ہے تحریک ''انڈیا آئوٹ'' بھارت کی علاقائی بالادستی کا خواب چکنا چور بھارت کا اعتراف جرم اور دہشت گردی کی سرپرستی  بھارتی عزائم ۔۔۔ عالمی امن کے لیے آزمائش !  وفا جن کی وراثت ہو مودی کے بھارت میں کسان سراپا احتجاج پاک سعودی دوستی کی نئی جہتیں آزاد کشمیر میں سعودی تعاون سے جاری منصوبے پاسبان حریت پاکستان میں زرعی انقلاب اور اسکے ثمرات بلوچستان: تعلیم کے فروغ میں کیڈٹ کالجوں کا کردار ماحولیاتی تبدیلیاں اور انسانی صحت گمنام سپاہی  شہ پر شہیدوں کے لہو سے جو زمیں سیراب ہوتی ہے امن کے سفیر دنیا میں قیام امن کے لیے پاکستانی امن دستوں کی خدمات  ہیں تلخ بہت بندئہ مزدور کے اوقات سرمایہ و محنت گلگت بلتستان کی دیومالائی سرزمین بلوچستان کے تاریخی ،تہذیبی وسیاحتی مقامات یادیں پی اے ایف اکیڈمی اصغر خان میں 149ویں جی ڈی (پی)، 95ویں انجینئرنگ، 105ویں ایئر ڈیفنس، 25ویں اے اینڈ ایس ڈی، آٹھویں لاگ اور 131ویں کمبیٹ سپورٹ کورسز کی گریجویشن تقریب  پاکستان ملٹری اکیڈمی کاکول میں 149ویں پی ایم اے لانگ کورس، 14ویں مجاہد کورس، 68ویں انٹیگریٹڈ کورس اور 23ویں لیڈی کیڈٹ کورس کے کیڈٹس کی پاسنگ آئوٹ پریڈ  ترک فوج کے چیف آف دی جنرل سٹاف کی جی ایچ کیومیں چیف آف آرمی سٹاف سے ملاقات  سعودی عرب کے وزیر خارجہ کی وفد کے ہمراہ آرمی چیف سے ملاقات کی گرین پاکستان انیشیٹو کانفرنس  چیف آف آرمی سٹاف نے فرنٹ لائن پر جوانوں کے ہمراہ نماز عید اداکی چیف آف آرمی سٹاف سے راولپنڈی میں پاکستان کرکٹ ٹیم کی ملاقات چیف آف ترکش جنرل سٹاف کی سربراہ پاک فضائیہ سے ملاقات ساحلی مکینوں میں راشن کی تقسیم پشاور میں شمالی وزیرستان یوتھ کنونشن 2024 کا انعقاد ملٹری کالجز کے کیڈٹس کا دورہ قازقستان پاکستان آرمی ایتھلیٹکس چیمپیئن شپ 2023/24 مظفر گڑھ گورنمنٹ پوسٹ گریجویٹ کالج کے طلباء اور فیکلٹی کا ملتان گیریژن کا دورہ   خوشحال پاکستان ایس آئی ایف سی کے منصوبوں میں غیرملکی سرمایہ کاری معاشی استحکام اورتیزرفتار ترقی کامنصوبہ اے پاک وطن خصوصی سرمایہ کاری سہولت کونسل (SIFC)کا قیام  ایک تاریخی سنگ میل  بہار آئی گرین پاکستان پروگرام: حال اور مستقبل ایس آئی ایف سی کے تحت آئی ٹی سیکٹر میں اقدامات قومی ترانہ ایس آئی  ایف سی کے تحت توانائی کے شعبے کی بحالی گرین پاکستان انیشیٹو بھارت کا کشمیر پر غا صبانہ قبضہ اور جبراً کشمیری تشخص کو مٹانے کی کوشش  بھارت کا انتخابی بخار اور علاقائی امن کو لاحق خطرات  میڈ اِن انڈیا کا خواب چکنا چور یوم تکبیر......دفاع ناقابل تسخیر منشیات کا تدارک  آنچ نہ آنے دیں گے وطن پر کبھی شہادت کی عظمت "زورآور سپاہی"  نغمہ خاندانی منصوبہ بندی  نگلیریا فائولیری (دماغ کھانے والا امیبا) سپہ گری پیشہ نہیں عبادت ہے افواجِ پاکستان کی محبت میں سرشار مجسمہ ساز بانگِ درا  __  مشاہیرِ ادب کی نظر میں  چُنج آپریشن۔ٹیٹوال سیکٹر جیمز ویب ٹیلی سکوپ اور کائنات کا آغاز سرمایۂ وطن راستے کا سراغ آزاد کشمیر کے شہدا اور غازیوں کو سلام  وزیراعظم  پاکستان لیاقت علی خان کا دورۂ کشمیر1949-  ترک لینڈ فورسز کے کمانڈرکی چیئرمین جوائنٹ چیفس آف سٹاف کمیٹی سے ملاقات چیئرمین جوائنٹ چیفس آف سٹاف کمیٹی کاپاکستان نیوی وار کالج لاہور میں 53ویں پی این سٹاف کورس کے شرکا ء سے خطاب  کشمیر پاکستان کی شہ رگ ہے ،جنرل سید عاصم منیر چیف آف آرمی سٹاف کی ایرانی صدر ابراہیم رئیسی کی وفات پر اظہار تعزیت پاکستان ہاکی ٹیم کی جنرل ہیڈ کوارٹرز راولپنڈی میں چیف آف آرمی سٹاف سے ملاقات باکسنگ لیجنڈ عامر خان اور مارشل آرٹس چیمپیئن شاہ زیب رند کی جنرل ہیڈ کوارٹرز میں آرمی چیف سے ملاقات  جنرل مائیکل ایرک کوریلا، کمانڈر یونائیٹڈ سٹیٹس(یو ایس)سینٹ کام کی جی ایچ کیو میں آرمی چیف سے ملاقات  ڈیفنس فورسز آسٹریلیا کے سربراہ جنرل اینگس جے کیمبل کی جنرل ہیڈکوارٹرز میں آرمی چیف سے ملاقات پاک فضائیہ کے سربراہ کا دورۂ عراق،اعلیٰ سطحی وفود سے ملاقات نیوی سیل کورس پاسنگ آئوٹ پریڈ پاکستان نیوی روشن جہانگیر خان سکواش کمپلیکس کے تربیت یافتہ کھلاڑی حذیفہ شاہد کی عالمی سطح پر کامیابی پی این فری میڈیکل  کیمپ کا انعقاد ڈائریکٹر جنرل ایچ آر ڈی کا دورۂ ملٹری کالج سوئی بلوچستان کمانڈر سدرن کمانڈ اورملتان کور کا النور اسپیشل چلڈرن سکول اوکاڑہ کا دورہ گورنمنٹ کالج یونیورسٹی فیصل آباد، لیہ کیمپس کے طلباء اور فیکلٹی کا ملتان گیریژن کا دورہ منگلا گریژن میں "ایک دن پاک فوج کے ساتھ" کا انعقاد یوتھ ایکسچینج پروگرام کے تحت نیپالی کیڈٹس کا ملٹری کالج مری کا دورہ تقریبِ تقسیمِ اعزازات شہدائے وطن کی یاد میں الحمرا آرٹس کونسل لاہور میں شاندار تقریب کمانڈر سدرن کمانڈ اورملتان کورکا خیر پور ٹامیوالی  کا دورہ مستحکم اور باوقار پاکستان سکیورٹی فورسز کی کارروائیوں اور قربانیوں کا سلسلہ سیاچن دہشت گردی کے سد ِباب کے لئے فورسزکا کردار سنو شہیدو افغان مہاجرین کی وطن واپسی، ایران بھی پاکستان کے نقش قدم پر  مقبوضہ کشمیر … شہادتوں کی لازوال داستان  معدنیات اور کان کنی کے شعبوں میں چینی فرم کی سرمایہ کاری مودی کو مختلف محاذوں پر ناکامی کا سامنا سوشل میڈیا کے مثبت اور درست استعمال کی اہمیت مدینے کی گلیوں موسمیاتی تبدیلی کے اثرات ماحولیاتی تغیر پاکستان کادفاعی بجٹ اورمفروضے عزم افواج پاکستان پاک بھارت دفاعی بجٹ ۲۵ - ۲۰۲۴ کا موازنہ  ریاستی سطح پر معاشی چیلنجز اور معاشی ترقی کی امنگ فوجی پاکستان کا آبی ذخائر کا تحفظ آبادی کا عالمی دن اور ہماری ذمہ داریاں بُجھ تو جاؤں گا مگر صبح کر جاؤں گا  شہید جاتے ہیں جنت کو ،گھر نہیں آتے ہم تجھ پہ لٹائیں تن من دھن بانگِ درا کا مہکتا ہوا نعتیہ رنگ  مکاتیب اقبال ملنے کے نہیں نایاب ہیں ہم ذرامظفر آباد تک ہم فوجی تھے ہیں اور رہیں گے راولپنڈی میں پاکستان آرمی میوزیم کا قیام۔1961 چیئرمین جوائنٹ چیفس آف سٹاف کمیٹی کا ترکیہ کا سرکاری دورہ چیف آف ڈیفنس فورسز آسٹریلیا کی چیئرمین جوائنٹ چیفس آف سٹاف کمیٹی سے ملاقات چیف آف آرمی سٹاف کا عیدالاضحی پردورۂ لائن آف کنٹرول  چیف آف آرمی سٹاف کی ضلع خیبر میں شہید جوانوں کی نماز جنازہ میں شرکت ایئر چیف کا کمانڈ اینڈ سٹاف کالج کوئٹہ کا دورہ کامسیٹس یونیورسٹی اسلام آبادکے ساہیوال کیمپس کی فیکلٹی اور طلباء کا اوکاڑہ گیریژن کا دورہ گوادر کے اساتذہ اورطلبہ کاپی این ایس شاہجہاں کا مطالعاتی دورہ سیلرز پاسنگ آئوٹ پریڈ کمانڈر پشاور کور کی دہشت گردوں کے خلاف آپریشن کرنے والے انسداد دہشتگردی سکواڈ کے جوانوں سے ملاقات کما نڈر پشاور کور کا شمالی و جنوبی وزیرستان کے اضلاع اور چترال کادورہ کمانڈر سدرن کمانڈ اور ملتان کور کا واٹر مین شپ ٹریننگ کا دورہ کیڈٹ کالج اوکاڑہ کی فیکلٹی اور طلباء کا اوکاڑہ گیریژن کا دورہ انٹر سروسز باکسنگ چیمپیئن شپ 2024 پاک میرینز پاسنگ آؤٹ پریڈ 
Advertisements

ہلال اردو

کووِڈ19  اور گلوبل اکانومی

جولائی 2020

کووڈ 19- کے بارے میںایک خیال یہ بھی ذہن میں تھا کہ کسی بہت بڑے سرمایہ کار نے یہ وائرس انسانوں کو اپنے بس میںکرنے کے لئے چھوڑا ہے، اپنی کسی چِپ کے چکر میں۔ ان حضرات کو یہ بھی یقین تھا کہ اگر یہ ناہنجار وائرس ہمارے ہاں وارد ہو بھی گیا تو دار چینی، ادرک، لہسن اور ثناء مکی کے گرم قہوے سے اس کی وہ ٹکور ہوگی کہ اسے رفو چکر ہونا ہی پڑے گا۔ مگر اب تک جو ہوا وہ اس کے بالکل الٹ ہوا۔ اب کچھ دنوں سے لوگ ان پیشین گوؤں کو ڈھونڈ رہے ہیں جو بار بار انہیں یہ یقین دلا رہے تھے کہ یہ سال اچھا ہے !
ان پر ہی کیا موقوف، ہمارے ہاں کے وزیر مشیر اور ورلڈ بنک، آئی ایم ایف، ورلڈٹریڈ آرگنائزیشن جیسے دنیا کے معتبر ترین ادارے مصر تھے کہ اس سال بھی گلوبلائزیشن اور گلوبل اکانومی میں اضافہ ہوگا۔ مگر پھر یوں ہوا کہ ووہان شہر میں دریافت ہوئے وائرس کا جادو اس قدر اور اس انداز میں دنیا کے سر چڑھ کر بولا ہے کہ سب ٹھاٹھ پڑا چوٹیں سہلا رہا ہے ، بلکہ ایک زمانہ اس کے دوسرے فیز کے شروع ہونے کے ڈر سے کانپ بھی رہا ہے۔ 
دنیا بھر میں متاثرین کی تعداد اب ایک کروڑ کے لگ بھگ اور جان کی بازی ہارنے والوں کی تعداد لاکھوں میںہے۔ دنیا کے کم و بیش ہر ملک میں کووڈ19 پہنچ چکا ہے، دکھائی نہیں دیتا مگر اس کی وجہ سے پوری دنیا کی اکانومی اور معاشرت میں وہ وہ تبدیلیاں دکھائی دی ہیں جن کے بارے میں بڑے سے بڑے فکشن رائٹرز نے بھی یوں نہیں سوچا ہوگا۔ 
دور کیا جانا، کس کے گمان میں ہوگا کہ اپنے ملک میں جون کے مہینے میں درجنوں شہروں میں جزوی لاک ڈائون ہوگا۔ معیشت کا حال یہ کہ ابھی چند مہینے قبل تک اس سال جی ڈی پی کی شرح نمو تین فیصد کے لگ بھگ کی توقع تھی مگر کووڈ 19 کی آمد نے سب بدل کر رکھ دیا۔ بجٹ سے قبل پاکستان اکنامک سروے آف پاکستان کا اعلان کرتے ہوئے مشیرِ خزانہ نے بتلایا کہ سال 2020 جی ڈی پی کی سالانہ شرح نمو منفی 0.38% رہی۔ کووڈ 19 کے نتیجے میں پیدا ہونے والی شدید کساد بازاری نے ایک اندازے کے مطابق 18 ملین افراد کو بے روزگاری کے چنگل میں دھکیل دیا۔ تمام صوبوں میں لاک ڈائون کے بعد معاشی سرگرمیاں مرحلہ وار شروع ہوئی تو ہیں مگر کرونا کے پھیلائو نے جگہ جگہ ہاٹ سپاٹ بنا لئے ہیں۔ 
ایسے میں حکومت نے بارہ سو ارب روپے کا امدادی پیکیج دے کر شدید متاثرین عوام اور معیشت کو سہارا دینے کی کوشش کی۔ سٹیٹ بنک نے مارک اپ کی شرح میں کمی ، قرضوں کی واپسی میں چھوٹ ، تین ماہ کی تنخواہوں کے لئے رعایتی قرض سمیت بہت سے اقدامات سے معیشت کو فوری سہارا دینے کے اقدامات کئے۔ معیشت جون میں کچھ سنبھلی ہے مگر دنیا بھر میں جاری شدیدکساد بازاری کے ماحول میں اگلی ششماہی تک اقتصادی حالات پر مندی کے بادل دکھائی دے رہے ہیں۔
 اس نادیدہ وائرس نے گلوبل اکانومی کو وہ زخم لگائے ہیں کہ ماہرین ان زخموں کا تقابل 1930 کی مہیب کساد بازاری سے کر رہے ہیں۔ گزشتہ چار دہائیوں سے گلوبلائزیشن میں حیرت انگیز ترقی ہوئی۔ دنیا میں تجارت، سرمایہ کاری اور سیاحت کے میدان میں حیران کن وسعت اور تیزی آئی ۔ انفارمیشن ٹیکنالوجی نے دنیا کو ایک لیپ ٹاپ اور اڑھائی تین سو گرام کے موبائل فون میں سمو دیا۔ ٹیکنالوجی نے پیداوار، سفر اور کام کے انداز ہی بدل ڈالے۔ گلوبلائزیشن کے اس انقلاب کے بعد حضرت انسان اب مزید قلانچیں بھرنے کی دھن میں تھا کہ یہ نادیدہ وائرس کووڈ 19نازل ہوا ۔ ایک ہی وار میں گلوبلائزیشن کو ایسا کاری وار لگا ہے کہ اب ہر کوئی اپنی پیشین گوئی پر مصر ہے کہ دنیا پھر کبھی بھی ویسی نہ ہو سکے گی یعنی  The world would never be the same again ! 
جون کے دوسرے ہفتے میں جاری ورلڈ بنک کے اندازے کے مطابق رواں سال میں دنیا کی اقتصادی ترقی کی شرح سکڑ کر منفی 5.7% رہنے کی توقع ہے۔ اس شدید سکڑائو کے نتیجے میں فی کس آمدنی میں 1870 کے بعد یہ سب سے بھاری کمی ہو گی۔ کووڈ 19 کا زور اگر طول پکڑ گیا تو دنیا کی اقتصادی ترقی کی شرح میں منفی آٹھ فی صد تک کمی ہو سکتی ہے۔ 
دنیا کے معروف ترین کنسلٹنگ ادارے میکنزی کے مطابق دنیا بھر کی حکومتوں نے اپنی اپنی اکانومی کو سہارا دینے ، کاروبار کا پہیہ رواں رکھنے ، لوگوں کے روزگار قائم رکھنے اور ان کی آمدنی کے اسباب کے لئے 13 ٹریلین ڈالرز جھونک ڈالے ہیں ۔ حالات نے مجبور کیا تو حکومتیں کئی ہزار ارب ڈالرز مزید خرچ کرنے پر مجبور ہوں گی۔ میکنزی کے اندازے کے مطابق اگر یہ نادیدہ وائرس حسبِ توقع ایک دو سہ ماہی کے بعد قابو میں آ بھی گیا تو بھی دنیا بھر کی حکومتوں کے جھولی میں 2023 تک کے لئے 30 ٹریلین ڈالرز خسارے کے برابرچھید چھوڑ جائے گا۔ 
گلوبل اکانومی کا پہیہ تجارت اور سرمایہ کاری کے زور پر گھومتا ہے۔ ورلڈ ٹریڈ آرگنائزیشن کے اندازے کے مطابق دنیا بھر میں اشیاء کی تجارت یعنی Merchandize Trade میں 13-32% کمی متوقع ہے۔ اگر کووڈ 19 کا دورانیہ طوالت پکڑ گا تو یہ کمی 44-80%  بھی ہو سکتی ہے۔ اسی طرح فارن ڈائریکٹ انوسٹمنٹ میں دنیا بھر میں 30-40% کمی متوقع ہے۔ یہ حیران کن اندازے ہیں مگر سفاک سچ ثابت ہورہے ہیں۔ دنیا میں انٹرنیشنل ٹریولنگ میں دو تہائی سے زائد کمی ہو چکی ہے ۔ ایر لائنز، ہوٹلز، سفری سہولتوں سمیت تمام منسلک کاروبار اسی کمی کے ہاتھوں تباہی کے دہانے پر ہیں۔ 
یورپ، امریکہ سمیت دنیا کے بیشتر ممالک اب اس نئی ابتلاء کے ساتھ جینے کا ہنر سیکھنے پر کمر بستہ ہیں۔ امریکہ اور برازیل جیسے ممالک نے تو اس وباء کے پھیلائو کے باوجود اکانومی کے بیشتر حصے جاری رکھنے کی پالیسی اپنائی۔ دنیا کے بیشتر ممالک جہاں سخت ترین لاک ڈائون روا رکھے گئے وہاں بھی اب دھیرے دھیرے احتیاطی تدابیر کے ساتھ معیشتوں کو مرحلہ وار کھولنے کا سلسلہ جاری ہے۔ اس دوران مختلف دواؤں اور تجربات کی حوصلہ افزاء خبریں بھی ہیں۔ ویکسین کی تیاری میں البتہ ایک سال کے لگ بھگ کا عرصہ متوقع ہے۔ ہیلتھ کیئر پر پڑنے والے دبائو اور اب تک کے سبق دنیا کے کام آرہے ہیں۔ عام زندگی میں چہرے پر ماسک، سماجی فاصلہ اور بار بار ہاتھ دھونے یا سینی ٹائز کرنے کا چلن نئی معاشرت کا عنوان بن گیا ہے۔ 
کووڈ 19 کے ان اقتصادی اور معاشرتی اثرات نے گلوبل اکانومی اور گلوبلائزیشن کو جو شدید جھٹکا دیا ہے اس کی وجہ سے ماہرین کے خیال میں گلوبلائزیشن اور گلوبل اکانومی میں کئی دور رس اور بنیادی تبدیلیاں رونما ہو ں گی، بلکہ ان میں سے کئی ایک کی جھلکیاں ہمیں ابھی سے نظر آنا شروع ہو گئی ہیں۔ موجودہ گلوبلائزیشن مربوط بین الممالک سپلائی چین پر استوار ہے۔ کووڈ 19نے گلوبل سپلائی چین میں شدید شگاف اور خلیج پیدا کردی ہے۔بہت سے ممالک کی روزمرہ کی عام اشیائ، حتیٰ کہ ٹائلٹ پیپر اور ہیلتھ ورکرز کے لئے ماسک تک کے لئے، دوسرے ممالک پر انحصار نے ماہرین اور حکومتوں کو سپلائی چین کی ترتیب اور ترکیب ِ نو پر نظر ثانی پر مجبور کر دیا ہے۔ 
ماہرین توقع کر رہے ہیں کہ گلوبلائزیشن اور گلوبل اکانومی کی گزشتہ چار دِہائیوں کی بہت سی کامیابیوں پر اب نظرثانی ہو گی۔ مختلف ممالک اپنے اپنے تجربات کے مطابق اس نظرثانی اور ترتیبِ نو کو اپنی پالیسیوں کی بنیاد بنائیں گے۔ ٹریڈ، سرمایہ کاری اور گلوبل سپلائی چین کے نین نقش میں واضح تبدیلیاں متوقع ہیں۔ وباء کے ان دنوں میں لاک ڈائون اور وائرس سے بچائو کے لئے خود حصاری یعنی isolation نے آن لائن ٹیکنالوجی اور آن لائن کاروبار کو ایک نیا جہان اور انداز دیا ہے۔ ریٹیل سیکٹر میں بزنس کا بڑا حصہ اب آن لائن کی جانب شفٹ ہوتا نظر آ رہا ہے۔ روایتی طور پر ایک دوسرے سے سماجی اور کاروباری میل ملاپ اور میٹنگز کے لئے اب آن لائن چلن زیادہ قابل ترجیح اور قبولیت اختیار کر گیا ہے۔ 
چند ماہ کے اندر اندر دنیا میں اس قدر اور اس نوعیت کی تبدیلیاں کسی کے وہم و گمان میں بھی نہ تھیں۔ ابھی تو یہ نادیدہ وائرس ہر روز نت نئی حیرانیاں دے رہا ہے۔ اللہ کرے کہ بدترین منظرنامے کے اندازوں کی نوبت ہی نہ آئے لیکن یہ بات طے ہے کہ نادیدہ وائرس کے ہاتھوں زخم زخم گلوبل اکانومی تادیر اپنے زخموں کو سہلاتی رہے گی۔ 
 پاکستان ایک کثیر آبادی کا ملک ہے، معیشت کی نبض پہلے ہی اتار چڑھائو کا شکار ہے۔ برآمدات میں اضافہ کئی سالوں سے نہ ہونے کے برابر ہے۔ درآمدات کم کرنے کے ساتھ ساتھ برآمدات بڑھانے کا کام اب مزید مشکل ہو گیا ہے۔ عالمی کساد بازاری کی وجہ سے تارکین وطن کی ایک بڑی تعداد کی واپسی کی وجہ سے ترسیلات ِ زر میں کمی کا اندیشہ کرنٹ اکائونٹ پر اثر انداز ہوگا۔ اقتصادی شرح نمو میں ترقی کا ٹارگٹ تو بجٹ میں طے ہے مگر چہار سو پھیلی ملکی اور عالمی اقتصادی مشکلات کے ہوتے ہوئے اس شرح نمو کا حصول بہت مشکل ہوگا۔ ایسے میں روزگار کے مواقع پیدا کرنا اور پہلے سے موجود بے روزگاری سے نمٹنا بہت بڑا چیلنج ہوگا۔اللہ تعالیٰ سے دعا ہے کہ وطنِ عزیز اور اس کے باسیوں کو حفظ و امان میں رکھے اور معیشت کا پہیہ رواں دواں رکھنے کے اسباب پیدا کرنے کی ہمت عطا فرمائے۔ 


 مضمون نگار ایک قومی اخبارمیں سیاسی ' سماجی اور معاشی موضوعات پر کالم لکھتے ہیں۔
[email protected]