گزشتہ دنوں چیف آف آرمی سٹاف جنرل سید عاصم منیرنے  ہیوی انڈسٹریز ٹیکسلا (HIT) کا دورہ کیا۔ انہیں ایچ آئی ٹی کی تکنیکی صلاحیتوں، جاری منصوبوں کی پیشرفت اور حال ہی میں کیے گئے جدید اقدامات کے بارے میں بریفنگ دی گئی۔ چیف آف آرمی سٹاف نے ایچ آئی ٹی کی مختلف فیکٹریوں کا دورہ کیا اور پاک فوج کے لیے ٹینکوں، اے پی سیز، بہتر حفاظتی حل، ریموٹ ویپن سسٹم اور مقامی طور پر تیار کردہ  155 ایم ایم آرٹلری گن بیرل کی تعمیر نو اور اپ گریڈیشن کا مشاہدہ کیا۔

آرمی چیف نے کہاکہ ایچ آئی ٹی علمی معیشت اور ریسرچ اینڈ ڈویلپمنٹکا مرکز ہے جو دفاعی پیداوار میں خود انحصاری حاصل کرنے اور قومی برآمدات اور معیشت میں حصہ ڈالنے کے لیے کلیدی حیثیت رکھتا ہے۔ انہوں نے اہلکاروں کی صلاحیتوں پر اپنے مکمل اعتماد کا اظہار کیا اور ایچ آئی ٹی کو مسلح افواج اور قانون نافذ کرنے والی ایجنسیوں (LEAs) کی ضروریات کو بین الاقوامی معیار کے مطابق پورا کرنے کے لیے جدید دفاعی پیداوار کے ادارے میں تبدیل کرنے کے لیے افسران اور افرادی قوت کے عزم کو سراہا۔قبل ازیں آمد پر چیئرمین ہیوی انڈسٹریز ٹیکسلانے چیف آف آرمی سٹاف کا استقبال کیا۔