گزشتہ دنوں پاک آرمی اور فرنٹیئر کور(نارتھ)کی جانب سے مالم جبہ میں دو روزہ نیشنل سکی اینڈسنو بورڈنگ چیمپئن شپ کا انعقاد کیا گیا ۔ چیمپئن شپ میں خیبر پختونخوا بھر سے عوام نے بڑی تعداد میں حصہ لیا ، 100 سے زائد ملکی اور غیر ملکی کھلاڑیوں نے شرکت کی۔ اختتامی تقریب کے مہمان خصوصی کمانڈر پشاور کورلیفٹیننٹ جنرل حسن اظہر حیات تھے ۔  انہوں نے اعلیٰ کارکردگی کا مظاہرہ کرنے والے ملکی اور غیر ملکی کھلاڑیوں میں انعامات تقسیم کیے اور ان کی کارکردگی کو سراہا ۔ اس موقع پر انسپکٹر جنرل فرنٹیئر کور(نارتھ)میجر جنرل نور ولی خان بھی کور کمانڈر کے ہمراہ تھے۔