ہلال نیوز

بیگم رشیدہ منہاس مکمل فوجی اعزاز کے ساتھ سپرد خاک

گزشتہ دنوں پائلٹ آفیسر راشد منہاس (شہید) نشان حیدر، کی والدہ بیگم رشیدہ منہاس جو کراچی میں انتقال کر گئیں تھیں، کو پاک فضائیہ نے خراج عقیدت پیش کیا۔ پاک فضائیہ کے ایک چاق چوبند دستے نے مرحومہ کو گارڈ آف آنر پیش کیا۔



نماز جنازہ میں پائلٹ آفیسر راشد منہاس شہید کے نام سے منسوب نمبر 2 سکواڈرن کی تمام عملے نے شرکت کی۔ نماز جنازہ میں اعلی سول اور عسکری حکام نے بھی شرکت کی۔ ائیر آفیسر کمانڈنگ، سدرن ائیر کمانڈ، ائیر وائس مارشل زعیم افضل نے پاک فضائیہ کے افسران اور جوانوں کے ہمراہ مرحومہ کی روح کے ایصال ثواب کے لیے فاتحہ خوانی کی۔
سربراہ پاک فضائیہ ائیر چیف مارشل ظہیر احمد بابر سدھو کی جانب سے ان کی قبر پر پھولوں کی چادر بھی چڑھائی گئی۔
 

یہ تحریر 81مرتبہ پڑھی گئی۔

TOP