گزشتہ دنوں ضلع قصور کے دوردراز علاقے کنگن پور کی عوام کے لیے پاک فوج کی جانب سے فری میڈیکل  کیمپ کا انعقاد کیا گیا۔میڈیکل  کیمپ میں متعدد ڈاکٹرز اور پیرا میڈیکل سٹاف نے حصہ لیا ۔

اس موقع پر 710مریضوں بشمول 329 خواتین ، 136 بچے اور 245 مرد حضرات کا طبی معائنہ اور علاج کیا گیا۔ متعددٹیسٹوں کی مفت فراہمی کے علاوہ مریضوں کو مفت ادویات بھی فراہم کی گئیں۔ڈاکٹرز اور پیرا میڈیکل سٹاف نے حفظانِ صحت سمیت ملیریا، ڈینگی اور دیگر بیماریوں سے بچائو اور علاج کے حوالے سے آگاہی لیکچرز بھی دیے۔عوام نے پاک فوج کے عوامی بہبود کے لیے کیے گئے اقدامات کی تعریف کی۔ دوردراز علاقوں کے نادار لوگوں کے لیے پاک فوج کی جانب سے فری میڈیکل کیمپس کا انعقاد معمول کا حصہ ہے۔